KATO室內燈之美学 （詳）

今次用Kato嘅E231系500番台山手線電車做示範，

少少工序就可以令抽車嘅室內燈靚仔好多。

大家慣性安裝Kato室內燈嘅方法大概係先上銅片同燈，

再將集光嘅膠片裝到車廂嘅頂部，

之後就吸返埋架車。

但最常見嘅問題係合埋咗之後，

近燈位果邊會有一泡明顯嘅光 （如圖）。

原因係集光片同盞室內燈之間其實有個空隙響度，

即時拍到幾埋都好，都會有漏光情況出現。

---

然而，只要少少嘅工具就可以將個室內燈變到靚靚仔仔 ~

(左邊為加工後，右邊為加工前）

---

我嘅做法係用錫紙貼紙封住集光片同盞室內燈之間嘅罅隙，

上下都貼一塊，令光線徹底向前進～

室內燈安裝完成後，

再慢慢將車殼由上而下垂直合上。

而家大家見到圖中嘅室內燈光度其實大約比緊3V電左右，

大概係通勤電車嘅緩行速度～

Kato燈響呢個Volt數會偏暗，

如果想加強亮度，其中一個方法可以考慮用錫紙貼紙～

貼一條錫紙貼紙響車內頂部，

出來嘅效果挺不錯的～！

想再靚啲，

當然可以考慮加埋座席～

成個籠嘅色溫當堂唔同晒！

---