Kato室內燈小搞作
今回想分享一下點樣可以用一啲簡單嘅方法，
可以令室內燈更豐富～
有啲列車嘅內籠可能唔止得一隻顏色，
例如九州嘅885系咁， 實車嘅車門附近會有紅色嘅燈，
模型要做到室內燈其實都唔難；
我倒有一個小方法～
就係用玻璃紙 :)
玻璃紙响文具店可以輕易搵到，
而且顏色嘅選擇也挺豐富的；
我今次嘅示範就揀咗紅色同黃色。
首先將玻璃紙界到同集光片差唔多size，
然後就好似幫架車上假天花咁砌啲顏色出來，
如果你想隻色重手少少， 可以貼響集光片嘅表面；
如果係想微弱少少嘅，
可以貼响集光片嘅背面～
度啱位，我就選擇用漿糊筆貼塊玻璃紙上集光片上；
唔啱位就隨時可以搣出來再執執佢～
執到自己認為靚靚仔仔為止 :)
記得安裝室內燈時要响列車嘅頂部貼錫紙膠紙，
咁樣出來嘅燈光效果就柔和得多了～
其實唔一定係Kato燈，
其他品牌嘅室內燈其實都可以做到相同效果，
例如Torm嘅室內燈，
嚮光源貼上顏色玻璃紙，
一樣做到唔同顏色嘅效果～
大家不妨試試看 :)