E233系8000番台 南武線
見車如見其人～
今次想介紹嘅係我其中一抽代表作～
南武線E233系8000番台。
Kato嘅南武線E233系登場後，
基本上已經成為不少玩家的囊中物～
我想別人欣賞嘅唔單止係眼前嘅南武線E233系，
而係『我』嘅『南武線E233系～！』
我嘅車不外乎基本三部曲：
燈，座席，貼紙。
首先我哋又從室內燈開始～
因為要令到啲座席較為突出，
所以我會先響車頂貼一條錫紙貼紙 （如圖）
另外，我唔會跟說明書咁預先攝塊集光片響車頂，
反而我會先將燈同集光片預裝響車體上，
然後再吸埋個殼。
如是者我會先用錫紙貼紙固定好LED燈同集光片 （如圖），
咁樣可以封住室內燈同集光片之間嘅罅隙，
唔會有漏光嘅情況發生。
（漏起光上來其實都幾顯眼的...）
整好啲燈，就輪到整櫈～
呢個就個人取捨啦，
白色嘅內籠，同有座席嘅內籠，
我個人建議就當然唔好放過啦～
尤其係如果你有多過一列E233系，
唔通嘅E233系配以屬於其本身嘅座席，
效果係非常不錯的！
然後就輪到刮貼了～
本身Kato嘅E233系已經預印不少標記，
但其實仲可以再豐富啲嘅，
例如門貼，優先席，乘務員室標記，等等～
選用貼紙係一門學問來，
我個人覺得要自己親身試過，
先分辨得到每一款唔同嘅刮貼有咩唔同...
我個人嘅心得就係...
門上面嘅刮貼用銀河模型嘅N-785，
優先席用Treasure Town嘅TTL856-41，
乘務員室標記用Treasure Town嘅TTL806-12 （如下圖）
至於車與車之間嘅連結器，
我選擇替換Kato嘅『11-731』- 新密連車勾，
其實換咗同唔換嘅分別真係唔太大，
我早前有一篇關於呢款勾嘅介紹文章，
大家可以參詳一下～
其實塊廣告係用Supa-Dry嘅印水貼做的，
做法一點也不複雜，
不過鎅咁多塊咁細塊嘅貼紙都幾花功夫下...
出來嘅效果... 咪成為咗我其中一部代表車lol XD
上次東京取經一行我遇過唔少人家的珍藏，
感覺上大家就當一個放車嘅layout係一個大舞台，
將自己嘅心血響眾目睽睽的軌道上盡顯出來～
我自己都好期待響軌道上能夠遇上更多的志同道合，
希望有機會在某一個場合能夠遇上你的心機 :P
本篇完