小談 Kato E231系 － 拆窗
Kato最新出嘅電車通常都會預印方向幕，
雖然唔透光，但省卻咗要逐塊貼紙鎅完再貼嘅功夫。
但係無咁新嘅模就仍然需要自行上方向幕。
今次就搵咗架最近翻出嘅"上野東京line常磐快速線E231系"來做個少少示範，
如何輕易地將整塊車窗拆出來。
如果就咁將車窗拉出，
唔係話唔得，不過方向幕果塊小車窗有機會kick住咗響度，
用錯力嘅話有機會整斷埋。
整斷咗其實問題不大，
因為貼咗方向幕貼紙之後基本上會幫助固定埋細細粒個方向幕；
但唔見咗嘅話就麻煩了...
我就建議大家拆得徹底少少，
先由過車頂入手，車頂移除後車窗就能夠輕易拿出。
第一個步驟，當然係拆開架車先～
然後大家望下內籠天花板，
天花板有三個扣位扣住個車殼；
但必須先鬆開圖中呢個扣先可以搞其餘兩個。
用尖鉗或牙籤輕輕推開就可以。
然後大家望下內籠天花板，
天花板有三個扣位扣住個車殼；
但必須先鬆開圖中呢個扣先可以搞其餘兩個。
用尖鉗或牙籤輕輕推開就可以。
推開咗之後，
再輕輕『拉』出個車頂。
留意嘅係呢兩個扣比較脆弱，
向後拉至個扣到咗一個合適位置先好抽個頂出來。
車頂移開過後，
車窗基本上好容易就鬆到出來～
車窗拆出後，
下一步當然就是上貼紙吧 :P 門貼我選用銀河モデル嘅N-785，
而優先席貼我則選擇Treasure Land嘅TTL856-41。
TTL856-41係『裏貼』，即係刮響車窗裡面，
而N-785就就咁刮響車窗表面。
整好曬所有嘢，
只要還原剛才步驟便可。
先把車頂兩個拉扣攝入車頂，
反方向拉，再把車頂『拍』返實佢，搞掂 :P
Kato嘅E231系同E531系嘅拆法基本上大同小異，
當然，整埋座席出來嘅效果會更佳 :P
本篇完