室內燈小手作 - JR 883系
小編的文章一直強調室內燈的美學～
聽起來好像很深奧，
但其實只是非常入門的做法；
皆因我自己也未去到自己焊燈的地步，
但有時候又覺得原裝的室內燈單調咗少少...
所以我所介紹的，其實人人都可以輕易做得到。
例如... 今回這個 :P
每篇文章都總會有一個主角，
而本篇的主角為友人的Kato 883系電車。
其實如果簡簡單單咁純粹亮燈的話，
用＃11-212白色LED便可，
出來嘅效果就如圖中那般冷白。
如此冷白嘅室內燈，加上整列列車的座席都是奶白色的，
感覺其實挺『寡』...
同埋我個人覺得暖白會比冷白的好；
所以我就做咗小小手腳， 令車廂加了燈後不乏色彩。
以下就係我想介紹嘅手作仔～
首先，如其他之前介紹過嘅列車一樣，
我會先用錫紙貼紙打個底先，
作用除咗增強車廂燈嘅亮度，
其實仲會令室內燈柔和少少，
睇落無咁硬。
響錫紙同集光片之間攝一塊黃色嘅玻璃紙，
會令冷白嘅室內燈變成暖白，
分別就好似上面兩幅圖咁～
第一幅係完全無做過手腳的，
色溫偏冷；
而之後個幅就係用咗玻璃紙，
色溫偏暖。
問題係點解唔直接用原裝燈嘅橙色Filter？
因為用Filter出來嘅光比用玻璃紙更暖，
大概可以話係想拎番個中間點...
而大家見到我響集光片嘅底部（較闊那面）都貼咗黃色玻璃紙，
係因為我想增強車頭Green Car前半部嘅黃光，
而後半部則保留暖白色～
所以我貼咗半條集光片而已。
始終883系乃較為舊款嘅Kato內裝，
需要用返傳統嘅加燈方法～
集光片同LED燈之間難免會有少少罅隙，
而我就會貼一塊細細塊嘅錫紙貼紙響LED燈底（如圖），
咁樣就會冇咁易有漏光嘅情況發生。
一輪手作仔過後，
效果其實都幾顯著下，
大家可以見到玻璃紙用於唔同嘅位置上，
得出唔同嘅色溫。
玻璃紙有好多種顏色，
我暫時最用得著嘅都係紅色同黃色～
其實真係唔算得上係咩技巧來，
只是想帶出一下點樣用一啲好簡單嘅物料，
可以做出原廠本身沒有嘅效果來 :P
本篇完