有時遇著個Layout唔算太大，
但又唔想玩一卡起兩卡止咁單調，
咁呢篇文嘅主角列車可能都係一個唔錯嘅選擇～
沒錯！就是東京地下鐵（營團）01系了。
本列車真實長度就只有16米，
變成模型後看起來更加短小袖珍，
即時在家中的電視櫃Layout上行走（彎軌為Tomix C177），
也能輕易通過。
縱使列車短小，
小編當然唔會錯過幫其打扮嘅機會 :P
以下我會介紹一下我響列車模型上的小手作～
我手上的電車講來講去都不外乎三樣嘢～
『燈，櫈，貼』
首先，『燈』就即係室內燈，
我選用Kato嘅原廠LED室內燈 ＃11-212。
留意列車短小，
集光片需要裁減至適當嘅長度 （如圖）。
Kato嘅營團01系係較為新款嘅模來，
LED燈同集光片本身預設咗安裝位；
但以防有絲毫嘅漏光，
我仍然會用錫紙貼子將LED燈同集光片之間嘅罅隙封住（如圖）。
『櫈』果方面，
營團01系列車本身為啡色座席，
一個奶白色嘅內籠，
加上座席絕對會為列車增添視覺上嘅美感～
我呢度仲要好清楚咁數比大家睇，
每一排座席係有『七張櫈』的 :P
『貼』方面，我會選用這個：
Treasure Land #TTL856-05 ドア注意・優先席表示(地下鉄)
除咗車門同車窗上面嘅標貼外，
呢款貼紙仲有01系專用嘅LED方向幕同運番表示，
如果大家有興趣將列車改為後期版嘅話，
咁呢個方向幕就啱駛啦～
**01系一包刮貼就夠用了。
最後，01系本身係一列於車底集電嘅列車，
故車頂不設集電弓。
如果唔想列車咁『寡』，
大家不妨考慮一下加喉 （Kato ＃Z04-5589）
將組件安裝響車勾上，
用以模仿真車車與車之間嘅連接喉。
詳細可以點擊以下連結：
其實即使係一列短小嘅電車，
只要稍作修飾，
其效果也可以非常奪目～
適逢01系電車將於今年三月正式從銀座線退下來，
其首都風采就從模型上延續下去吧～
本篇完
Recent Posts
Archive
Tags