Bトレイ JR 221系
話說上回到東京秋葉原取經時，
響同一個layout上見到日本人嘅B Train。
除咗跟實車車卡長度此外，
列車上仲有各式各樣嘅貼紙～
自此就觸發到小編小小靈感，
等小編又試下用自己平時響N Scale列車所花嘅功夫，
套用到B Train身上，
睇下又會得出一個怎麼樣的效果來 :)
今回被選中嘅列車係關西嘅221系。
列車係響日本拍賣網買回來的～
寄到返來已經係組裝完成的，
不過係用原裝嘅塑膠車輪...
點樣去組裝一架B Train大家不妨參考下官方網站：
我簡略列出架221系N Scale化所需的零件：
1 x Bトレインショーティー専用 動力ユニット［3］電車・気動車用
1 x Bトレインショーティー専用 走行台車［T］改
動力我揀Bandai，
因為Bandai嘅動力較Kato的強勁，
同埋重點係Bandai的動力台車可以裝返原裝嘅台車組件。
至於台車，我都係揀Bandai，
原因如上，可以裝返原裝221系嘅台車組件。
Kato唔係話唔好，
我起初都覺得Kato係靚仔嘅，
但Kato本身個台車組件係E231系嘅台車來，
套用到其他列車感覺怪怪啲。
Bandai嘅台車一盒夠三卡用，
架221系3卡Trailer一卡動力就剛剛好。
之後就輪到戲肉了～
以下落來我會逐一介紹我點樣去打扮架B Train 221系。
首先係集電弓，
原裝嘅B Train配一舊Q版集電弓膠件，
我就選用Kato #11-405 阪急用パンタグラフPT4806-B-M （如圖）
列車的連結器方面，
Bandai嘅台車組原先配標準勾，
我就選擇用Kato #11-704 カプラー密連形A（グレー）
車身的輕易更換就可以了，
而兩端車頭的勾就要將個勾左右兩邊嘅喉剪掉。
整車就當然唔少得貼紙吧 :P 關西列車我會推薦這個：
Treasure Land #TTL856-10A ドア注意・優先席 (関西) インレタ
基本上一塊貼已經滿足你多個願望，
包括門貼，大小優先席，不同路線的女性專用車廂，弱冷車標籤等等～
如果閣下有玩JR西日本嘅列車，
呢個刮貼非常值得推介～
到最後就係列車卡之間嘅連結幌。
我選用咗F Models #F1001
呢款連結幌不論係Kato嘅103系，205系，或者係GM嘅103系都同樣啱用。
加咗連結幌之後卡與卡之間望落無咁寡～
有時後有人會說：與其玩B Train為何不玩N Scale？
但我想講，一架B Train整得靚仔都可以好唔簡單，
其樂趣絕對不比N Scale遜色！
分別在你有無那份靈感，那種心機 :P
期待你的佳作！
本編完