列車模型座席小談

小編之前的文章經常都提及到『燈，櫈，貼』～『燈』同『貼』早前都介紹過，今回想同大家介紹一下『櫈』。

日本嘅電車除咗樣子夠吸引外，各社各式的座席也可算是其一特色來；但偏偏大多數嘅列車模型內裝都較為單調～

坊間其實都有唔少列車模型專用嘅座席貼紙，例如エヌ小屋嘅通勤電車貼紙，或者係Treasure Town出嘅座席貼紙，等等。

前者價錢比較平，但因為係單色嘅膠質貼紙，所以較為失真。

（圖片來源：Google Search）

另外一款Treasure land嘅座席貼相對較像真，但價錢亦較高，約2800yen才夠5卡使用。

（圖片來源：Google Search）

而我，就係用自己D.I.Y的列車座席，貼紙的質料為半透明磨沙貼紙。

不論係Tomix嘅灰色內籠，抑或係Kato嘅奶黃色內籠均適用～但因為內籠設計問題， Kato嘅優先席通常就係擺放LED室內燈嘅位置，變相唔能夠將優先席充分地發揮出來，唯有用優先席刮貼同落簾方式取代～相反，Tomix嘅通勤列車設計就能將優先席呈現出來。

小編用咗Kato嘅E233系7000番台埼京線作示範，下圖為座席貼紙的樣本，座席的椅背與坐墊之間略帶漸變效果，此外座席上的細微位也能清楚呈現出來。

座席尺寸與模型無異，基本上界出來後就可以直接貼在模型上。唯界的過程有少少技巧，就係由椅背與坐墊之間嘅黑線落刀，咁就啱啱好Fit晒 :)

有樣嘢要留意嘅，就係近LED燈的一排座席比其餘兩排短少少，大家切割嘅時候我會建議大家先度一度個長度（如下圖），唔好等界好晒，貼落去先再修剪，咁樣就唔太靚仔架啦～

下圖就係小編早前曾經自製過嘅一啲座席貼紙，套用落不同列車上有不同的效果～

如果大家對小編的座席有興趣，不妨瀏覽Densha.Me網上小店，其實小編希望藉此推動一下改車的樂趣，為大家提供較便宜卻高質素的座席貼，再配合少少裝室內燈嘅技巧，令整列列車嘅觀感更上一層樓 :)

本篇完